1. மகிழ்ச்சி ஓய்வுநாளே!
பூரிப்பு ஜோதியாம்
கவலை துக்கம் போக்கும்
மா பாக்கிய நல்நாளாம்
மாந்தர் குழாம் இந்நாளில்
சேர்ந்தே ஆராதிப்பார்
மா தூயர் தூயர் தூயர்
திரியேகர் பணிவார்.
2. முதலாம் சிஷ்டி ஜோதி
இந்நாளில் தோன்றிற்றே;
தம், சாவை வென்று மீட்பர்
இந்நாள் எழுந்தாரே;
தம் ஆவி வெற்றி வேந்தர்
இந்நாளில் ஈந்தாரே;
ஆ! மாட்சியாம் இந்நாளில்
மூவொளி வந்ததே.
3. இப்பாழ் வனாந்தரத்தில்
நீ திவ்விய ஊற்றேயாம்
உன்னின்று மோட்சம் நோக்கும்
பிஸ்கா சிகரமாம்;
ஆ! எம்மை முசிப்பாற்றும்
நல் அன்பாம் நாள் இது;
மண்ணின்று விண்ணில் ஏற்றும்
புத்துயிர் நாள் இது.
4. செல்வோம் புத்தருள் பெற்று
இவ்வோய்வு நாளிலே
மெய் பக்தர் மோட்ச லோக
மா பாக்கிய ஓய்வுக்கே
பிதா சுதன் சுத்தாவி
எம் ஸ்தோத்திரம் பெறுவீர்;
சபையின் நாவால் கீதம்
திரியேகரே ஏற்பீர்.
0 Comments