1. நான் பலவீன தோஷியாம்,
நீர் தயா மூர்த்தியே;
நின்பாதத் தூளும் மேலிடும்
நிர்ப்பந்த நீசனே.
2. எப்பாவம் வெட்கம் எட்டிடா
ஏகாந்த ஜோதியே,
என் பாவம் நிந்தை தாங்கினீர்
என் சொல்வேன் அன்பையே.
3. பிதாவின் மாட்சி ஆசனம்
அபாத்திர பாவிக்காய்
சுதா, நீர் நீத்து மாந்தர் தம்
சரீரம் எடுத்தீர்.
4. கை காலில் ஆணி பாய்ச்சுங்கால்
சகித்தீர் சாந்தமாய்;
ஐயா, எந்நாமம் சாற்ற உம்
பொறுமை தூய்மைக்கே!
5. அன்பே நீர் மாந்தன் ஆகினீர்
என் அன்பைப் பெற்றிட;
நான் பாவி, தோஷி, வெட்கத்தால்
முன்னிற்கத் துணியேன்.
6. உம் தயை அன்பால் மட்டுமே
நான் பாத்திரன் ஆயினேன்
உம் தாசர் காக்கும் வண்ணமே
காப்பீர் நீர் என்னையும்.
0 Comments